Новости района

Биринчи май райондук администрациясынын башчысы Аскербек Алиев орозо айт майрамы менен куттуктоосу

Ардактуу момун мусулмандар!

Баарыңыздарды мусулман дүйнөсүндөгү ыйык майрамдардын бири-касиеттүү Орозо айт майрамыңыздар менен чын дилден куттуктаймын!

Орозо тутуу - бул тазаланууга, кең пейилдикке, кечиримдүүлүккө жана боорукерликке умтулуу менен араздашкандар жарашып, ата-эненин, жакындардын, оорулуу менен карылардын ал-акыбалын сурап коюу ар бир бардар мусулмандын милдети.

Сиздерди ак ниеттүүлүккө, кең пейилдүүлүккө, ырайымдуулукка чакырган Орозо айт майрамыңыздар менен куттуктап, баарыңыздарга чың ден-соолук, үй-бүлөлүк бакубат турмуш каалайм.

Жараткан жерибизге ынтымак, тынчтык, береке, элибизге сабырдуулук, биримдик, бак-таалай берсин!

Орозо кармагандардын орозосу кабыл болсун.

Айтыңыздар маарек болсун!