Шаар башчысы жол-курулуш иштерин белгиленген мөөнөттө аяктоону талап кылууда

Подробности: Опубликовано 06.08.2013 12:02

Бүгүнкү өткөрүлгөн кеңешмеде, шаар башчысы Иса Өмүркулов, жол-курулуш иштерин өз убагында аткарбагандыгы үчүн Бишкек шаарынын мэриясынын Коомдук-мамлекеттик капиталдык курулуш башкармалыгынын жетекчилигине сөгүш жарыялады.

Бишкек шаарынын мэри жол-курулуш иштерин белгиленген мөөнөттө аякташ үчүн баардык аракеттерди кылууну талап кылды.

Азыркы учурда Коомдук-мамлекеттик капиталдык курулуш башкармалыгы тарабынан шаардын төмөндөгү көчөлөрүндө жол-курулуш иштери жүргүзүлүүдө:

Жайыл Батыр көчөсү боюнча Бах көчөсүнөн Чортеков көчөсүнө чейин;

Чортеков көчөсү боюнча Сухе-Батор көчөсүнөн Муромская көчөсүнө чейин;

Өгүз-Ата көчөсү боюнча Ашар көчөсүнөн Алыкулов көчөсүнө чейин;

Алыкулов көчөсү боюнча Өгүз-Ата көчөсүнөн темир жол өтмөгүнө чейин;

«Келечек» конушунун Борбордук көчөсү боюнча;

«Алтын-Ордо» конушуна карай Виноградная көчөсү менен өтчү көпүрө.

Учурда жол-курулуш иштеринде 7 курулуш бригадасы иштешүүдө.