КР ЖК депутаты Нариман Түлеев, Бишкек шаарынын мэри Иса Өмүркулов маалымат булактарына, Ахунбаев-Байтик Баатыр көчөлөрүнүн кесилишиндеги жер тилкесинин берилиши жөнүндө туура эмес маалыматтарды таратууда деп билдирген.

 

Депутаттын айткандары чындыкка туура келбестигин Бишкек шаарынын мэриясы расмий түрдө билдирет.

 

Ахунбаев-Байтик Баатыр көчөлөрүнүн кесилишиндеги жер тилкеси кафе-бардын курулушу үчүн Бишкек шаарыны мэриясынын 2009-жылдын 7-июлдагы №352-токтому менен берилген. Жер тилкеси берилген мезгилде Бишкек шаарыны мэри болуп Нариман Түлеевдин иштеп тургандыгын белгилеп кетиш зарыл.

 

Аталган жер тилкесине курулган “Буддо-бар” рестораны, Октябрь райондук сотунун 2002-жылдын 1-февралындагы №2-327-чечиминин негизинде, Бишкек шаардык жерге жайгаштыруу жана кыймылсыз мүлккө укуктарды каттоо башкармалыгынын кыймылсыз мүлккө укуктарды каттоо мамлекеттик реестринде 2007-жылдын 3-апрелинде №07/40673 каттамы менен катталган.