Плакаттар менен сүрөттөрдө Кыргызстандын ажайып кооз жерлери, Бишкек жана Санкт-Петербург шаарларынын гербдери чагылдырылып, “Кыргыз Республикасына кош келиңиздер!” деген чакырыктар жазылган.

 

Иш-чаранын максаты, Кыргызстанга туристерди жана Санкт-Петербургдун ишкер чөйрөлөрүн чакыруу болуп саналат. Нева жээгиндеги шаардын бийликтери биздин тоолуу аймактын жарнактары үчүн эң ыңгайлуу жерлерди бөлүштүрүп берди.

 

2012-жылдын июнь айында өз ара кызматташуу боюнча эки шаардын ортосунда келишимге кол коюлган, азыркы иш-чаралар биргелешкен иштердин алгачкысы.

 

Жарнактык долбоорлор боюнча келишимдер 2012-жылкы Санкт-Петербург шаарынын делегациясынын Бишкекке келишинде түзүлүп, шаар башчысы Иса Өмүркулов жана Санкт-Петербург шаарынын губернатору Георгий Полтавченко тарабынан кол коюлган.