Баш калаада 20-22-майда Бишкек шаарынын мэринин жетекчилиги астында Жарандык коргонуу боюнча окуулар өтүүдө. Окуулардын негизги максаты – өзгөчө кырдаалдар, жер титирөө болгон учурларда коргонуу ыкмаларын жана Жарандык коргонуу органдарынын бирдиктүү өз ара аракеттерин иш жүзүндө иштеп чыгуу.

 

Мындан тышкары, окуулар Жарандык коргонуу органдарынын каражаттарын, мүмкүнчүлүктөрүн, материалдык-техникалык камсыздоо, жарыя кылуу, коргонуу каражаттарын жана башкаруу жайларын эсепке алуу максатында өткөрүлүүдө.

 

Окууларды өткөрүүгө: Бишкек шаарынын Жарандык коргонуу органдары, Жарандык коргонуунун райондук штабдары, лабораториялык көзөмөлдөө мекемелеринин тармактары, ӨКМ Бишкек шаары боюнча башкармалыгы жана райондук бөлүмдөрү катышууда.