Бүгүн, К.Молдобасанов атындагы Кыргыз Улуттук консерваториясында шаардык №1-музыкалык мектеп 50 жылдык мааракесин белгилейт
- Подробности
- Опубликовано 16.05.2013 13:08
Бүгүн, 16-майда саат 15-00до К.Молдобасанов атындагы Кыргыз Улуттук консерваториясынын чоң залында шаардык №1-музыкалык мектептин 50 жылдык мааракесине арналган концерт өткөрүлөт.
№1- балдардын музыкалык мектебинде: фортепиано, кыл аспаптар, кыргыз эл аспаптары, орус эл аспаптары, үйлөмө аспаптар, хореографиялык жана вокалдык бөлүмдөр иштейт.
Мектепте – комузчулар ансамбли, фольклордук ансамбль, кенже жана жогорку жаштагы балдардын скрипкачылар ансамбли, орус эл аспаптар оркестри, кенже жана жогорку жаштагы балдардын хор жамааттары түзүлгөн.
Уюштуруучулардын айтымында, музыкалык мектептин педагогдорунун негизги максаты – ар бир баланын талантын өстүрүүгө, чыгармачылыгын өнүктүрүүгө шарттарды түзүү.
№1- балдардын музыкалык мектебинин окуучулары көп жылдардан бери шаардык, республикалык фестиваль, конкурстарда ийгиликтерге жетишип келишкен. Алардын көпчүлүгү лауреат, дипломанттар болушкан.
Кошумча маалымат: №1-балдардын музыкалык мектеби 1963-жылдын 1-сентябрында ачылган.
50 жыл аралыгында мектепте 1 000ден ашуун окуучулар окушту, алардын 300дөн ашууну музыкалык орто жана жогорку окуу жайларда билим алууну улантышкан жана бүтүрүүчүлөр Кыргызстанда гана иштебестен жакынкы жана алыскы чет өлкөлөрдө иштешет.
Бишкек шаарынын мэри
КРУБ валюталар курсу
25.04.2024 | ||
USD | 69.74 | |
EUR | 79.24 | |
RUB | 1.05 | |
KZT | 0.18 | |
Баардык курстар |