Мындай акция 2012-жылы Кыргыз Республикасынын Президенти А.Атамбаев жарыялаган “Энелер күнүнүн” алкагында өткөрүлөт.

 

Медициналык-профилактикалык текшерүүлөр, кеңеш берүүлөр шаардын бардык үй-бүлөлүк медицина борборлорунда, тиешелүү адистер аркылуу жүргүзүлөт. Ал эми, үйдөн чыга албаган, ден-соолугу боюнча мүмкүнчүлүгү чектелген аялдарды үйлөрүнөн кароо белгиленген. Медициналык кароолордон дарегине, каттоосуна карабай шаардын бардык айымдары өтө алышат.

 

Иш-чаранын максаты болуп, аялдар арасында оруулардын алдын алуу, аныктоо, дарылоо, таза саламатчылыкта болуу жолдорун үгүттөө жана аялзатына камкордук менен мамиле кылуу салттарын улантуу эсептелет.

 

2012-жылы “Энелер күнүнүн” алкагында Бишкек шаарынын үй-бүлөлүк медицина борболору тарабынан 11 500 аял, алардын ичинен 7850 аял төрөт курагындагылар, 500 өспүрүрм-кыздар, 1860 аял элүү жаштан жогоркулар, ден-соолугу боюнча мүмкүнчүлүгү чектелген  880 аял медициналык кароолордон өткөрүлдү жана  650 аял үйлөрүнөн жардам алышты.

 

Медициналык кароолордун жүрүшүндө 3600 аялдын дарттары аныкталган.УЗИден 2030 аял текшерүүдөн өткөрүлүп, 1 000ден ашуун лабораториялык анализдер алынган, 3 000ден ашуун аял рак клеткаларына текшерүүдөн өткөрүлгөн. Мындан тышкары ЭКГ, флюрография, рентгенография текшерүүлөрү жүргүзүлгөн. 3 500дөн ашуун аял терапевт, невропотолог, окулист, стоматолог, хирург, отоларинголог адистеринин кароосунан өтүшкөн.

 

43 санитардык бюллетень чыгарылган жана 3 000ден ашуун кеңештер берилген.

 

Бул багытта кошумча маалыматтарды Бишкек шаардык саламаттык сактоо департаментинен (0312) 31-29-17 телефону боюнча алууга болот.