Бишкекте сугат тармактарын (арыктарды) тазалоо иштери улантылууда

Подробности: Опубликовано 11.04.2013 14:12

Бишкек шаарынын “Жашылдандыруу курулуш” муниципалдык ишканасы шаарда сугат арыктарын тазалоо иштери улантылып жаткандыгын маалымдайт. Шаар ичиндеги сугат арыктарынын 70% таштандылардан тазаланды, бул 285 км. түзөт. Бишкектеги бардык сугат арыктарынын жалпы узундугу 408,9 км., сугат суу түтүктөрү 64,5 км., магистралдык каналдар 42,5 км. жана коллектордук-дренаждык тармактар 42,5 км. түзөт.

Маалыматта борборубуздун “Жеңиш” паркында көчөттөрдү сугаруу иштери башталганы белгиленет. Аталган паркка суу Ала-Арча суусунан алынат.

Аба ырайынын шарттарына ылайык сугат мезгилин май айынын аягында же июнь айынын башында баштоо белгиленүүдө. Жалпысынан сугат мезгили 6 айга созулмакчы.

Жыл сайын сугат суулары төмөнкү булактардан алынат:

- Аламүдүн суусунан – 900 л/с

- ЧЧЧК – 1200 л/с

- Ала-Арча суусунан – 700 л/с

Сугат мезгилинде күн сайын алынуучу суунун көлөмү орто эсеп менен 2800 л/с түзөт жана абанын температурасынын максималдуу көтөрүлүшүнө байланыштуу секундасына 3500 литрге чейин көбөйтүлөт.

Сугат тармактарын тазалоо иштери 2013-жылдын 13-февралынан баштап жүргүзүлө баштады.