Оӊдоо иштерине байланыштуу Осмонкул көчөсүнүн бир бөлүгү унаа кыймылы үчүн жабылат

Подробности

Опубликовано 22.02.2018 15:53

Бишкек шаарынын мэриясынын Капиталдык курулуш башкармалыгынын билдирүүсү боюнча, 24-февралдан тартып оӊдоо иштерине байланыштуу Осмонкул көчөсүнүн ЧЧКнан «Шоро» ЖАКна чейинки бөлүгү унаа кыймылы үчүн жабылат.

Аталган бөлүктө жолдорду оӊдоо, борбордук канализацияны куруу жана турак үйлөргө киргизүү боюнча иштер 2018-жылдын 31-ноябрына чейин жүргүзүлмөкчү.

Бишкек шаарынын мэриясы ыӊгайсыздыктарды келтиргендиги үчүн шаар тургундарынан кечирим сурайт жана айдоочуларды алдын ала жол тандап алууларын өтүнөт.