Калаада жалбырактуу бактардын көчөттөрү отургузулууда

Подробности: Опубликовано 11.04.2017 17:44

Киев көчөсүн көрктөндүрүүнүн алкагында ирригацияларды орнотуу, тротуарларды оӊдоо, унаа токтотуу жайларын куруу жана жаӊы көчөттөрдү отургузуу иштери жүргүзүлүүдө.

«Жашылдандыруу курулуш» муниципалдык ишканасынын кызматкерлери ири өлчөмдүү жалбырактуу бактардын көчөттөрүн отургузууда. Аталган көчөдө 100 гө жакын липа жана 180 көчөт эмен отургузулат. Азыркы учурда отургузуу иштерине даярдыктар жүргүзүүдө.

Үстүбүздөгү жылы «Жашылдандыруу курулуш» муниципалдык ишканасы клен, эмен, кайыӊ, ясень, каштан, тыт ж.б. 4 миӊден ашык көчөт отургузууну пландоодо.

Октябрь районуна - 1505 көчөт, Биринчи май районуна – 338, Ленин районуна – 1990, Свердлов районуна 845 көчөт отургузулат.

«Жашылдандыруу курулуш» муниципалдык ишканасынын башчысы - Элгондиев Токтобек Абдыкеримович (37-53-30).