Оңдоо иштерине байланыштуу калаанын айрым жерлеринде таза суу берүү токтотулат

Подробности

Опубликовано 15.03.2017 09:31

“Бишкексууканал” башкармалыгынын билдирүүсү боюнча, 2017-жылдын 16-мартында саат 9:00дон 17:00го чейин калаанын айрым жерлеринде таза суу токтотулат.

“Түштүк - Батыш” жана “Гагарин” суу алгычтарын оңдоо иштерине байланыштуу Л.Толстой, Жунусалиев, Айни, Чайков көчөлөрүндө жана “Ак-Өргө” конушунда, анын ичинде: “Ак-Өргө”, “Ак-Ордо” жаңы конуштарында, Ленин районунун Аскердик комиссариатында, №55 орто мектебинде, “Яшар” ЖЧКсында, Гагарин көчөсү боюнча  “Бишкекжылуулукэнерго” буу казанында, жер бөлүштүрүү инститиутунда жана №5 мончодо, ошондой эле  «Кока-Кола», «Тамга-Таш ЛТД» ЖЧКларында,  «Лина» фирмасында, «Кыргызконьягы» ЖЧКсында, «Комбинат» ЖЧКсында таза суу берилбейт.

Бишкек шаарынын мэриясы ыңгайсыздык келтиргендиги үчүн шаар тургундарынан кечирим сурайт жана суу камдап алууларын суранат.