Безгектин чиркейи Анофелес – темгил кош канаттуу кан соруучу чымын – чиркейлерге кирет. Чиркей конуп олтурганда денеси башынан жогору турат.  

Ургаачы чиркей канга тойгондон кийин, анын курсагында жумурткалары жетилет (200 – 350гө чейин). Жумурткасын суусу бар чуңкур жерге тууйт – көлчүктөргө, суу токтоп калган жерлерге, ал эмес шаардагы үйлөрдүн подвалдарында. Арадан 2 – 3 күн өткөндөн кийин жумурткадан личинка чыгат, 8 – 15 күндүн ичинде, эгерде күн жылуу болсо (16 градустан жогору), личинка куурчакчага айланат, андан 2 – 3 күндөн кийин кадимки чиркей болуп учуп чыгат.

Бишкек шаарына жер которуп келгендердин жергилүктүү калктарга оору жуккан учурлар бар.

Адам чиркей чаккандан 10 – 14 күн өткөндөн кийин ооруга чалдыгат.

 

·                     эт ысып куйуп, денени калтыратат (t 38 – 40 градуска чейин көтөрүлөт), жан тери келет;

·                     оорунун кармашы эртең менен башталып , 6 – 13 саатка чейин созулат. Арадан 48 – 72 саат өткөндө оорунун кармашы кайра кайталанат;

·                     көк боор жана боор чоңойот, ооруксунат;

·                     кан азаят;

·                     эринге, мурунга, тула бойго учук чыгат;

·                     тери, көздүн агы саргаят.

 

Чиркейлер адамдарды кечкурун, күн уясына батканда же таң атканда кол салышып, чагышат.

 

·                     эшик, терезени тор же даки менен жакшылап жабуу керек;

·                     түнкүсүн атайын жабдылган алачыктын ичине уктоо керек (айрыкча балдар);

·                     үйгө кирген чиркейди өлтүрүп туруу талапка ылайык;

·                     денени көргөзбөгөн узун кийим (узун жең, багелек ж.б.) чиркейден сактайт;

·                     чиркейди жыты менен коркутуучу аэрозоль же май түрүндөгү РЕПЕЛЛЕНТти сыйпап коюш жакшы натыйжасын берет.