Бишкек шаарынын мэриясы калаанын көчөлөрүндөгү чуңкурларды оңдоо иштерин баштады

«Бишкекасфальтсервис» муниципалдык ишканасынын кызматкерлери 11-марттан баштап калаанын көчөлөрүндөгү чуңкурларды оңдоо иштерин баштады.

Азыркы учурда Рысмендиев атындагы көчөдө оңдоо иштери жүрүп жатат.

Март айында Байтик баатыр, Фучик, Москва, Киев, Ден Сяопин көчөлөрүндө ошондой эле Чүй, Ч.Айтматов, Жибек Жолу проспектилериндеги чуңкурлар оңдолот.

Мындай оңдоо иштерин «Бишкекасфальтсервис» муниципалдык ишканасы жыл сайын март айынан тартып, декабрь айына чейин жүргүзөт.