Бишкек шаарынын мэри Кубанычбек Кулматов өлкөнүн башкы балатысынын отун жандырды

Подробности

Опубликовано 19.12.2015 20:11

Ала-Тоо аянтында 19-декабрда Бишкек шаарынын мэри Кубанычбек Кулматов өлкөнүн башкы балатысын жандырды.

Балатынын отун жандыруу аземине Бишкек шаардык кеӊешинин төрагасы Алмаз Кененбаев катышты.

Калаа башчысы куттуктоо сөзүндө  шаардыктарды жана шаардын конокторун келе жаткан жаӊы 2016 жылы менен куттуктады.

«Урматтуу шаар тургундары! Сиздерди келе жаткан жаӊы жылыӊыздар менен чын дилимден куттуктайм!  Келе жаткан жаӊы жыл баарыбызга жакшылыкты, ийгиликти, тынчтыкты, бакытты  жана ынтымакты алып келсин! Алдыдагы бардык ищтерди сиздер менен бирге аткарып, шаарыбызды өнүктүрөбүз деп ишенем. Ар бир үйбүлөгө бакыт, ден соолук, ийгилик жана тынчтык каалайм! Келе жаткан жаӊы жылыӊыздар менен!»,-деди калаа башчысы Кубанычбек Кулматов.

Жаӊы жылдык балаты Кытай Эл Республикасынан алынып келинди.  Балатыга «Технология» компаниясы 64 миӊ светодиоддук чырак орнотту. 1530 ийне жалбырактуу бутактар бекитилип, балатынын бекем болуусу үчүн бутуна жалпы салмагы 22,5 тонна  бетондук плиталар орнотулду.

Өлкөнүн башкы балатысын жандыруу аземине Ретро FM радиостанциясы катышып, «Жашылдандыруу» МИ тарабынан берилген жандуу балатылар менен жаӊы жылдык эстафетанын катышуучуларын сыйлады.