Бишкектин унаа токтотуучу жайлары санитардык нормаларды бузууда

Подробности

Опубликовано 15.09.2015 11:44

Бишкек шаарынын мэриясынын Санитардык-экологиялык инспекциясынын кезектеги текшерүүсүндө «Апогей»  СБ түндүк тарабы Сүйөркулов көчөсүндө жайгашкан унаа токтотуучу жайынын  кызматкерлери тарабынан таштандылар белгиленбеген жерге башаламан ташталгандыгы аныкталды.

Аталган аймак антисанитардык абалга жетип, шаарды көрктөндүрүү эрежелери бузулган.

Жыйынтыгында Бишкек шаарынын мэриясынын СЭИ инспекторлору тарабынан унаа токтотуу жайынын ижарачысына Кыргыз Республикасынын «Административдик жоопкерчилик жөнүндө» кодексинин №488 беренеси боюнча протокол түзүлүп, Октябрь райондук административдик комиссиясынын кийинки кароосуна жиберилди.