Бишкекте социалдык-маанидеги жана өзгөчө жугуштуу оорулар боюнча координациялык комитеттин жыйыны өткөрүлдү

Подробности

Опубликовано 12.08.2015 21:22

Бишкек шаарынын вице-мэри Айгүл Рыскулованын жетекчилиги алдында Шаардык медициналык тез жардам балдар клиникалык ооруканасынын жыйын залында Бишкек шаарынын мэриясына караштуу координациялык көп секторлуу комитеттин социалдык-маанидеги жана өзгөчө жугуштуу оорулар боюнча жыйыны болуп өттү.

Күн тартибинде оорулардын абалы, адамдар жана жаныбарлар арасында кутурма оорусу менен күрөшүү чаралары, калк арасында ВИЧ/СПИД оорулары  талкууланды.

Берилген суроолор боюнчасаламаттыкты сактоо департаментинин жетекчилери жана адистери доклад кылышты.

Жыл сайын республикада адамдар арасында 1-2,  Ошондой эле, жаныбарлар арасында 60-100 кутурма оорусу катталат.

2015-жылдын 6 айында калаанын медициналык мекемелерине айбанаттардын кабууларына кабылган 1535 адам катталган. Эпидемиологиялык изилдөөнүн жыйынтыгында 78% иттин кабууларына кабылгандар экендини аныкталды. Кабуулардын, тиштөөлөрдүн башкы себеби үй жаныбарларын багууда эрежелерди сактабагандыктан келип чыгууда.

Бишкек шаарынын мэриясы “Бишкек шаарындагы санитардык-эпидемиологиялык абал жана социалдык – маанидеги ооруларды алдын алуу жөнүндө” токтому кабыл алынган. Ошондой эле, 2015-2020-жылдарга комплекстүү план бекитилген.