Мэрия эл аралык балдарды коргоо күнүнө арналган спорттук иш-чараларды өткөрдү

Подробности

Опубликовано 02.06.2015 09:08

Бишкек шаарынын мэриясынын Бишкек шаардык Дене тарбия жана спорт комитети Балдарды коргоо күнүнүн алкагында эски аянтта спорттук иш-чараларды өткөрдү.

Шаар тургундары менен кошо спортчулардын оюндарын көрүүгө Бишкек шаарынын вице-мэри Айгүл Рыскулова келди.

Спортчулар келген коноктор үчүн спорттук аэробика, көркөм жана спорттук гимнастика, таэквондо, будо-каратэ, ушу, бокс, кулатуу, дзюдо жана самбо боюнча көрсөтмөлөрүн тартуулашты.

Ошондой эле,  ордо, кичи теннис, шахмат, тогуз коргоол, армрестлинг, «Көӊүлдүү старт» оюну, аркан тартуу, , streetworkout, стритбол жана кичинекей балдар үчүн жеӊил атлетика боюнча биринчиликтер өттү.

Иш-чаранын аягында активдүү катышуучулар жана мелдештин жеӊүүчүлөрү баалуу белектер менен сыйланышты.