Калаада Эл аралык балдар күнүнө арналган салтанаттуу иш-чара өткөрүлдү

Подробности

Опубликовано 27.05.2015 18:37

Бишкек шаарынын мэриясы Бишкек шаарынын ИИББ менен биргеликте ОБСЕ борборунун колдоосунда Ленин атындагы эски аянтта «Келечек, Камкордук, Коопсуздук” аталыштагы иш-чара болуп өттү.

Акцияга Кыргыз Республикасынын Ички иштер министри Мелис Турганбаев, вице-мэр Айгүл Рыскулова, ШИИБнын башчысы Кашкар Жунушалиев катышты.

Бишкек шаарынын вице-мэри Айгүл Рыскулова Балдарды коргоо күнү менен куттуктап, бүгүнкү уюштурулган иш-чаранын маанилүүлүгүн белгиледи.

Кезегинде Ички иштер министри Мелис Турганбаев балдардын коопсуздугун камсыздоо жана ырайымсыз мамиле менен күрөшүү милициянын милдети экенин  баса белгиледи.

Иш-чаранын алкагында “Атам, апам жана мен – спорттук үйбүлө” спорттук конкурсу уюштурулуп, “Милиция балдардын көзү менен”  асфальтка сүрөт тартылды, ошондой эле, бий жана музыкалык номерлер тартууланды.

Иш-чарага калаанын ар кайсы мектебинен 2 миңдей окуучу катышты. Балдарга белектер- футболка, кепка, балмуздак, суусундуктар таратылып, театралдык көрсөтүүлөр берилди.