Бишкек шаарынын мэриясы муниципалдык кызматкерлери үчүн мамлекеттик тил боюнча семинар өткөрдү

Подробности

Опубликовано 04.05.2015 16:21

Бишкек шаарынын мэриясына караштуу Мамлекеттик тилди өнүктүрүү бөлүмү И.Арабаев атындагы Кыргыз мамлекеттик университетинин  Мамлекеттик тил жана маданият институту менен биргеликте Бишкек шаарынын мэриясынын түзүмдүк жана аймактык бөлүмдөрүнүн муниципалдык кызматкерлери үчүн “Иш кагаздарын мамлекеттик тилде жүргүзүү” аттуу окуу семинар өткөрдү.

Семинарга Кыргыз Республикасынын Президентине караштуу Мамлекеттик тил боюнча улуттук комиссиянын котормо, жарнама жана терминология бөлүмүнүн башчысы Молдоканов Аалы Молдоканович катышты.

Семинардын жүрүшүндө Бишкек шаарынын мэриясына караштуу Мамлекеттик тилди өнүктүрүү бөлүмүнүн башчысы Ниязбекова Эльвира Керимовна жогорку окуу жайдын жетекчилерине тыгыз кызматташтык байланыштар үчүн ыраазычылык билдирип, документ таануу, иш кагаздарын мамлекеттик тилде жүргүзүү багыттары жана котормочу-лингвист адистиктери боюнча аталган окуу жайдын студенттеринин өндүрүштүк практикасын Бишкек шаарынын мэриясынын мекеме-уюмдарында өткөрүүнү сунуштады.

Семинардын жыйынтыгы боюнча бардык катышуучуларга тастыктамалар тапшырылды.