Бишкек шаары жарыктандырылууда

«Бишкекжарык» муниципалдык ишканасы калаанын көчөлөрүнө жаӊы светодиоддук чырактарды орнотууда.

Учурда калаанын төмөнкү көчөлөрүнө 1600 чырак орнотулду:

-Жибек-Жолу проспектиси Абдрахманов көчөсүнөн Лермонтов көчөсүнө чейин (308 даана);

-Чүй проспектиси Абдрахманов көчөсүнөн Лермонтов көчөсүнө чейин (274 даана);

-Токомбаев көчөсү Байтик Баатыр көчөсүнөн Шабдан Баатыр көчөсүнө чейин (340 даана);

-М.Горький көчөсү Ч.Айтматов проспектисинен Ауэзов көчөсүнө чейин (226 даана);

-Медеров көчөсү (99 даана);

-Эркиндик бульвары Жибек-Жолу проспектисинен Линейная көчөсүнө чейин (84 даана);

- Дэн Сяопин проспектиси Фучик көчөсүнөн Алымкулов көчөсүнө чейин (222 даана).

Учурда ишкананын кызматкерлери Гагарин көчөсүнө Ч.Айтматов проспектисинен Ак-Бата көчөсүнө чейин электр энергиясын үнөмдөөчү бардык талаптарга жооп берген 163 чырак орнотууда жана «Күн балыктары» фонтанын жарыктандыруу иштерин жүргүзүүдө. Бишкекке дагы 2500 чырак орнотуу пландалууда.

«Бишкекжарык» МИ диспетчердик кызматынын номери – 31-17-23.

«Бишкекжарык» МИнин башчысы Кожомкулов Азамат Төлөмүшович, телефон: 32-61-57.

Турак-жай – коммуналдык чарба, анын ичинен жарыктандыруу маселелерин Бишкек шаарынын вице-мэри Эркинбек Исаков көзөмөлдөйт.